Институт делегациясымен кездесу барысында TÜBİTAK ұйымы директорының орынбасары Оркун Хасекиоглы ЯФИ жобаларын қолдау мүмкіндігі туралы хабарлады. Өз кезегінде, Институт өзара мүдделерді қанағаттандыратын екі жобаны ұсынды. TÜBİTAK ұйымы бекітілген рәсімдерді өткізгеннен кейін, оның Халықаралық офисі жобаны $3 млн-ға дейін қаржыландыруы мүмкін.
TÜBİTAK — ұлттық деңгейде ғылыми-зерттеу және тәжірибелік-конструкторлық жұмыстарды жүргізуге жауапты жетекші түрік ғылыми ұйымы. Оның құрамына үш ірі зерттеу институты және 6000-нан астам ғалым кіреді. Ғалымдар өз жобаларын қаржыландыра отырып, ғылыми зерттеулерін жүргізуде. Маңыздысы TÜBİTAK Халықаралық жобаларды қаржыландыруда қолдау көрсетеді.
