«Ядролық физика институты» РМК қызметкерлері арасында волейболдан жарыс өтті. Ойын Ядролық физика институтының 65 жылдығына, Отан қорғаушылар күні мен Ұлы Жеңіс мерекесіне орай ұйымдастырылды. Жалпы ойынға институттың ер мен әйел қызметкерлерінен құрылған 6 команда қатысты. Үш күнге созылған тартысты жарыс қорытындысы бойынша ерлер арасында III орынды ˗ Физикалық қорғау және режим бөлімі, II орынды «Циклотрон» командасы иеленсе, жүлделі I орынды – № 3650 әскери бөлімі жеңіп алды. Ал, әйелдер арасында II орынд «Басқару бөлімі», жүлделі І орынды « Циклотрон » командасы қанжығасына байлады. Қорытынды марапат шарасында ЯФИ РМК кәсіподақ ұйымы атынан жүлдегерлерге естелік сыйлықтар мен кубоктар табыс етілді.
