2022 ж. 16-25 мамыр аралығында «Ядролық физика институты» РМК қызметкерлері арасында футболдан жарыс турнирі өтті. Ойын Ұлы Жеңіс мерекесімен Ядролық физика институтының 65 жылдық мерекесіне орай ұйымдастырылды.
Жалпы ойынға 6 команда қатысты. Тартысты жарыс қорытындысы бойынша III орынды˗ «Реактор» командасы, II орынды 1-ші арнайы әскери комендатура, жүлделі I орынды – «Ядро» командасы жеңіп алып, ЯФИ Кубогын иеленді.
Қорытынды марапат шарасында ЯФИ РМК директоры Сахиев Саябек Қуанышбекұлы ойыншыларға салауатты өмір салтын насихаттағаны үшін алғыс білдірді. Кәсіподақ ұйымы атынан жүлдегерлерге естелік сыйлықтар табыс етілді.
