6 ақпанда Ядролық физика институтында ағымдағы жылдың бірінші Ғылыми кеңесінің отырысы өтті. Жиын барысында институттың кадрлық, ғылыми және ұйымдастырушылық дамуының негізгі мәселелері қаралып, 2026 жылға арналған стратегиялық басымдықтарды жүзеге асыруға бағытталған бірқатар шешімдер бекітілді.
Ғылыми кеңес 2026 жылға арналған Институттың жұмыс жоспарын бекітті, ол ғылыми, инновациялық және ұйымдастыру қызметінің негізгі бағыттарын айқындайды, ғылыми зерттеулерді, халықаралық ынтымақтастықты дамытуға және басқару жүйесін жетілдіруге ерекше көңіл бөлінеді.
Жиын барысында жаңа студенттік жатақхана бөлмелерінің кілттері Институт қызметкерлеріне табысталды. Бұл жатақхана – ел тәуелсіздік алғалы кезеңіндегі ғылыми-зерттеу институты базасында салынған алғашқы тұрғын үй инфрақұрылымы. Ядролық физика институтының бас директоры Саябек Сахиев кілттерді тұрғын үй комиссиясы жұмыс нәтижелері бойынша іріктелген 18 қызметкерге табыстады.
Қазіргі заманғы жатақхана Институт қызметкерлеріне тұрмыстық жайлылықты қамтамасыз етіп, олардың кәсіби қызметі үшін қолайлы орта құруды мақсат етеді.
Күн тәртібінің негізгі мәселелерінің бірі Институттың Жас ғалымдар кеңесінің құрамын өзгерту және оның төрағасын сайлау болды. Ғылыми кеңестің шешімімен Жас ғалымдар кеңесінің жаңартылған құрамы бекітіліп, төраға болып бірауыздан Жұмаханова Гүлнұр — Стратегиялық және тұрақты даму департаментінің жетекші маманы сайланды.
Қазіргі таңда Жас ғалымдар кеңесі 15 жас ғалымды бекітіліп, жастардың ғылыми әлеуетін дамытуда және оларды ғылыми-зерттеу және қоғамдық қызметке тартуда маңызды рөл атқарады.
Сонымен қатар, Ғылыми кеңестің құрамына өзгерістер енгізілді. Кеңеске М. Краснаперова, Г. Жұмаханова және С. Азамбаев қосылды. 2026 жылы Ғылыми кеңестің жалпы құрамында 30 адамды құрады.
Отырыстағы күн тәртібінің тағы бағдарламалық-консультативтік комитеттің жаңа құрамын бекіту мәселесі қаралды. Комитет Институт басшылығына ғылыми бағдарламаларды жүзеге асыру және стратегиялық дамуға қатысты сараптамалық-консультативтік қолдау көрсетеді.
Комитет құрамына Институттың серіктес ғылыми ұйымдарының жетекші ғылыми қызметкерлері мен профессорлары, сондай-ақ ИЯФ жетекші ғалымдары кірді. Комитеттің жалпы саны 13 адамды құрайды, ал оның түпкілікті құрамын ағымдағы жылдың сәуір айында бекіту жоспарлануда.
Отырыс барысында Ғылыми кеңеске ұсынылған ғалым атақтарын беру мәселелері де қаралды:
Астана филиалының қатты дене физикасы зертханасының меңгерушісі, PhD Козловский А. Л.10200 – «Физикалық ғылымдар» ғылыми бағыты бойынша профессор ғылыми атағына ұсынылды;
Жоғары энергиялар мен элементар бөлшектер физикасы зертханасының аға ғылыми қызметкері, PhD Нурлан Қ. 10200 – «Физикалық ғылымдар» ғылыми бағыты бойынша доцент ғылыми атағына ұсынылды.
Сондай-ақ, отырыс барысында Институттың беделді ғалымы Тлеушов Юрий Жианшаховичты құрметті демалысқа шығарып салу рәсімі өтті. Институт бас директоры оған алғыс хат табыстап, оның ғылым мен Институтты дамытуға қосқан көпжылдық үлесін ерекше атап өтті. Сонымен қатар, Институттың жетекші ғалымы Пеньков Фёдор Михайловичтің 70 жылдық мерейтойына орай құттықтау шарасы ұйымдастырылды.
Ғылыми кеңесте қабылданған шешімдер Ядролық физика институтының ғылыми және кадрлық әлеуетін нығайтуға, жас ғалымдарды қолдауға, сараптамалық қолдау көрсету жүйесін дамытуға және қызметкерлер үшін тұрақты әлеуметтік орта қалыптастыруға бағытталған бірізді курсты көрсетеді.
