Ақпанның 3-де Қазақстан-Британ техникалық университет ректорының міндетін атқарушы (Басқарма төрағасы) Ғабдуллин Маратбек Төлебергенұлы бастаған делегация «Ядролық физика институты » РМК-ға келді.
Кездесудегі мақсат — екіжақты серіктестік байланыс орнату, ғылыми-зерттеулік жобаларды жүзеге асыру.
Басқосуда ЯФИ РМК бас директоры Қаракөзов Батыржан Көмекбайұлы сөз сөйлеп, институттың жұмыс жайымен хабардар етті. Содан соң ҚБТУ делегациясы ұйымдастырылған бағдарлама аясында BBР-К зерттеу реакторы, радиациялық қатты дене бөлімі, кешенді экологиялық зерттеу орталығын аралап, танысты.
Кездесу соңында ЯФИ РМК мен ҚБТУ АҚ арасында екіжақты ынтымақтастық туралы келісімге қол қойылды. Қабылданған меморандум аясында бірлескен ғылыми-зерттеу жұмыстарын жүргізу сынды бірнеше бағыттар бойынша жұмыстар алдағы уақытта жүргізілетін болады.
