ЯФИ және «Akdeniz» университеті 7-11 қазанда Алматыда өтетін "Ядролық ғылым және технологиялар" V Халықаралық форум барысында ынтымақтастық туралы меморандумға қол қояды. Бұл шешім Ядролық физика институты делегациясының «Akdeniz» университетінің ғылым жөніндегі проректоры, профессор Шукру Озенмен кездесуінде қабылданды.
«Akdeniz» университетінің басшылығы ЯФИ-мен бірлескен ғылыми жобаларды дамытуға қызығушылық білдірді. Қыркүйек айында университеттің Ғылыми кеңесінің отырысында жоғарыда аталған меморандумның жобасы талқыланып, бекітіледі.
Бұл келісім Ядролық физика институты мен Түркияның жетекші университеті арасындағы ғылыми ынтымақтастықты нығайтуға бағытталған, бұл бірлескен зерттеу жобаларын жүзеге асыруға және табиғи және қолданбалы ғылымдар саласында тәжірибе алмасуға мүмкіндік береді.
