Ядролық физика институты мен Тәжікстан Ұлттық ғылым академиясының Химиялық, биологиялық, радиациялық және ядролық қауіпсіздік агенттігі ынтымақтастық туралы меморандумға қол қойды.
Құжат ядролық және радиациялық қауіпсіздік, сондай-ақ ғылыми зерттеулер саласындағы ЯФИ мен ХБРЯ қауіпсіздік агенттігі арасындағы ұзақ мерзімді және өзара тиімді ынтымақтастықты нығайтуға бағытталған.
Меморандумның негізгі бағыттарының бірі – тараптардың жас мамандарды даярлау және тәжірибе алмасуға ниеттілігі.
Тәжікстан Ұлттық ғылым академиясының Химиялық, биологиялық, радиациялық және ядролық қауіпсіздік агенттігі – бұл химиялық, биологиялық, радиациялық және ядролық қауіп-қатерлер саласындағы қауіпсіздікті қамтамасыз етуге бағытталған зерттеулер жүргізетін ғылыми мекеме.
