Кәсіпорынның комплаенс-офицері Институт қызметкерлері үшін сыбайлас жемқорлыққа қарсы іс-қимыл, еңбек заңнамасы талаптарын сақтау және сыбайлас жемқорлық тәуекелдерінің алдын алу мәселелері бойынша кезекті тоқсан сайынғы оқыту семинарын өткізді.
Семинар барысында Қазақстан Республикасының сыбайлас жемқорлыққа қарсы іс-қимыл және еңбек қатынастары саласындағы 2026 жылы күшіне енген заңнамасындағы өзекті өзгерістер, сондай-ақ олардың қызметкерлер мен жұмыс берушінің қызметінде практикалық қолданылу мәселелері қаралды.
Еңбек қатынастарын реттейтін заңнамалық талаптарға, жұмыс беруші мен қызметкерлердің құқықтары мен міндеттеріне, сондай-ақ сыбайлас жемқорлыққа қарсы іс-қимыл саласындағы заңнамада белгіленген шектеулер мен тыйымдарға ерекше назар аударылды.
Сонымен қатар мүдделер қақтығысының алдын алу және оны реттеу, сыбайлас жемқорлыққа қарсы шектеулерді сақтау, қызметкерлердің мінез-құлқына қойылатын талаптар, сондай-ақ сыбайлас жемқорлық тәуекелдерін анықтау және оларды барынша азайту мәселелері жеке қарастырылды.
Тұрақты түрде өткізілетін оқыту іс-шаралары Институт қызметкерлерінің құқықтық және сыбайлас жемқорлыққа қарсы мәдениет деңгейін арттыруға, заңнама талаптарын тұрақты түрде түсінуге және оларды кәсіби қызмет барысында сақтауды қамтамасыз етуге бағытталған.
