Жаңалықтар

27 қыркүйекте "Ядролық ғылым және технологиялар " IV Халықаралық ғылыми форумы аясында Қазақстан Республикасының Ұлттық Ғылым академиясында(Алматы қ.) Біріккен ядролық зерттеулер институтының (Дубна қ., Ресей) және ҚР ЭМ ядролық физика институтының дөңгелек үстелі өтті. Ядролық физика институтының бас директоры, ҚазҰЖҒА академигі Саябек Сахиев ЯФИ-нің 65 жылдығына және БЯЗИ мен Қазақстан Республикасының ынтымақтастығының 30 жылдығына арналған дөңгелек үстел жұмысын ашты. Саябек Қуанышбекұлы өз сөзінде: "Бүгінгі таңда кадрлар даярлау бағдарламасы біздің серіктестігіміздің маңызды құрамдас бөлігі болып табылады. Осы бағдарламаның арқасында жыл сайын Қазақстан Республикасының студенттері Дубнада оқуға, ал магистранттар мен докторанттар тағылымдамадан өтуге мүмкіндік алады. Жыл сайын Қазақстан Республикасынан БЯЗИ-де тәжірибе алатын жас қызметкерлер саны артып келеді. Сондай-ақ, ол Астанада ДЦ-60 (Дубненский циклотрон) үдеткіш кешенін жобалау және іске қосу үлкен жетістік екенін атап өтті".

Дөңгелек үстелде спикерлер, атап айтқанда, БЯЗИ директоры РҒА академигі Григорий Трубников, БЯЗИ Ядролық реакциялар зертханасы ғылыми жетекшісінің орынбасары Михаил Иткис және ЯФИ төмен энергетикалық ядролық реакциялар зертханасының меңгерушісі, бас директордың ғылыми жұмыстар жөніндегі кеңесшісі Насрулла Бұртебаев болды.

БЯЗИ директоры Григорий Трубников өз сөзінде БЯЗИ-гі негізгі қондырғыларының бірі – ДЦ-60 ауыр иондарының үдеткіші – 2003-2006 жылдары БЯЗИ әзірлеп, салғанын атап өтті. "Астанадағы ДЦ-60 біздің ынтымақтастығымыздың дамуына зор серпін берді. Қазақстан Республикасы бұл тапсырысты қаржыландырды және зерттеулер мен білім беру процестері үшін бірегей инфрақұрылым құрды", - деді Григорий Владимирович Трубников.

Қазақстан мен БЯЗИ арасындағы өзара тиімді ынтымақтастықтың ауқымды тәжірибесін ұсына отырып, дөңгелек үстелге қатысушылар екі институттың мегасайенс класындағы бірегей қондырғылар пулын дамыту мен кеңейтудің жұмыстарын талқылады. Қазақстан Республикасының ғылыми қоғамдастығымен де, оның университеттерімен де БЯЗИ кооперациясының дамуына Қазақстанда БЯЗИ ақпараттық орталығын құру одан әрі серпін бере алатынын дөңгелек үстелде атап өтті. Делегация басшылары бұл мәселені пысықтауға келісті.