12 сәуір ғылым қызметкерлерінің кәсіби мерекесіне орай ҚР Білім және ғылым министрілігінің ұйымдастаруымен сала мамандарының салтанатты жиналысы өтті. Басқосудың шеңберінде республикамыздағы ғылым саласын дамытудың өзекті мәселелері жан-жақты талқыланды.
Салтанатты жиналыс барысында ҚР Білім және ғылым министрі Асхат Аймағамбетов ғылым саласына еңбегі сіңірген бірнеше мамандарды марапаттап құттықтады.
ЯФИ РМК Ядролық физика бөлімінің меңгерушісі Жолдыбаев Тимур Қадыржанович Тәуелсіз Қазақстанның рухани және әлеуметтік даму жолында қол жеткен табыстары және ғылым саласына қосқан үлесі үшін алғыс хатымен марапатталды.
