31 маусым күні Ғылым кеңесінің кезекті отырысында Институт бас директоры Саябек Сахиев Массачусетс технологиялық институтының (MIT) Ядролық ғылымдар және инженерия кафедрасының доценті Майкл Филип Шортқа ЯФИ-дің 65 жылдық мерейтойына арналған медалін табыс етті. Саябек Қуанышбекұлы Ядролық физика институтымен Массачусетс технологиялық институтының арасындағы халықаралық ынтымақтастықты дамытуға қосқан үлесі үшін алғыс айта отырып, алдағы уақытта жобаны жүзеге асыру үшін екіжақты меморандум дайындау жоспары бар деп атап өтті.
Майкл Филип Шорт Массачусетс технологиялық институтының (MIT) доценті, плазмалық ғылым және термоядролық синтез орталығы директорының орынбасары. Оның ядролық материалдарды зерттеу, микроқұрылымды анықтау және қорытпаларды әзірлеу бойынша 15 жылдан астам тәжірибесі бар. Зерттеулері негізгі тобы ауқымды эксперименттердің, микро және наноөлшемді сипаттамалардың, сондай - ақ мультифизикалық модельдеу мен модельдеудің қоспасы болып табылады.
Сонымен қатар жиын барысында Саябек Қуанышбекұлы Институтқа көпжылдық еңбегі үшін алғыс айта отырып, Виктор Николаевич Глущенканы мерейтой медалімен марапаттады.
Виктор Николаевич Глущенко ЯФИ-де еңбек жолын 2001 жылдан аға ғылым қызметкерінен бастап, 2011 жылдан қазіргі уақытқа дейін кешенді экологиялық орталығын басқарып келді.
Виктор Николаевич кадрларды даярлау және техникалық ынтымақтастық, жабдықтарды жаңғырту және сапаны қамтамасыз ету бағдарламаларын әзірлеу жөніндегі халықаралық іс-шаралар арқылы ядролық криминалистика саласындағы негізгі өңірлік техникалық ресурс ретінде Ядролық физика институтын дамытуда үлкен рөл атқарды.
Қызмет саласы: ядролық сынақтар жүргізілетін орындардағы радионуклидтік ластанудың ауқымы мен сипатын зерттеу, Қазақстандағы радиациялық қауіпті орындарды зерттеу, олардың мониторингін ұйымдастыру және жүзеге асыру т.б.
