2022 жылдың 25 қарашасында ҚР ЭМ "Ядролық физика институты" РМК бас директоры Сахиев Саябек бастаған делегация құрамында Н.Багисбаев, А.Силнягин, Д. Алимов жұмыс сапарымен Анкара қаласындағы "TENMAK" түрік энергетикалық, ядролық және минералдық зерттеулер агенттігіне барды. ЯФИ делегациясын агенттік Президенті Абулкадир Баликчи қарсы алды. Кездесу барысында тараптар қызметкерлер арасындағы тәжірибе алмасуға және бірлескен ғылыми жұмыстарды бірлесіп атқаруға қатысты жоспарларды талқылады.
"TENMAK" агенттігі 2020 жылы құрылды. Tenmak зерттеу нәтижесінде жасалған өнімдерді кеңінен пайдалануды қамтамасыз ету үшін зерттеулердің, әзірлемелердің, инновациялардың, дизайнның, технологияларды сатып алудың, өндірістің, сынақтардың, локализация зерттеулерінің барлық түрлерін жүргізеді. Түркияны CERN, SESAME, МАГАТЭ-де таныстырады.
Сапар барысында ЯФИ делегациясы NÜKEN TENMAK ядролық энергетика ғылыми-зерттеу институтына барды. Протонды үдеткіштің (PHT), қайталама эталондық дозиметрия зертханаларының (ISDL) және гамма-сәулелену қондырғысының (git) жұмысымен танысты.
Одан әрі ынтымақтастық және бірлескен жұмыстар жүргізу үшін институт директоры C. Сахиев пен NÜKEN TENMAK ядролық энергетика ғылыми-зерттеу институтының директоры Вейси Эрккан Өздан ынтымақтастық туралы Меморандумға қол қойды. Ендігі кезекте Ядролық медицина бағыты бойынша жұмыстар жоспарлануда.
