loader image

Ядролық физика институты

Қазақстан Республикасы Энергетика министрлігі

Астана филиалы

ЯФИ РМК Астана филиалы

Қазақстан Республикасы Энергетика министрлігі Ядролық физика институтының Астана филиалы Қазақстанның атом саласы үшін мамандарды даярлауды ғылыми-техникалық сүйемелдеудің және жаратылыстану ғылымдарының өңірлік орталығы ретінде Л.Н. Гумилев атындағы Еуразия ұлттық университетінің жанынан пәнаралық ғылыми-зерттеу кешенін қалыптастыру мақсатында құрылды.

Әлемдік тәжірибені талдау білім мен ғылымды біріктіру мәселелерін шешу кезіндегі елеулі нәтижелер, озық технологияларды нақты экономикаға ілгерілету ірі қондырғылардың базасында ірі оқу және ғылыми-зерттеу кешендерін құру жолымен іске асырылады, ол білім беру, ғылым және бизнес арасындағы біріктіруші бастаманың рөлін атқара алады.

Кешеннің негізі 2006 жылы пайдалануға берілген ДЦ-60 ауыр иондар үдеткіші болып табылады. ДЦ-60 үдеткіш кешенінің орталық залы бойынша виртуалды турды жүзеге асыру үшін мұнда өтіңіз.

ДЦ-60 үдеткішінің орталық залы

Құрылған кешен әлемдік деңгей талаптарына сай ядролық ғылым мен техника саласында іргелі және қолданбалы физикалық зерттеулерді, сондай-ақ технологиялық жұмыстарды жүргізуге арналған Қазақстанның посткеңестік кеңістіктегі алғашқы жаңа ірі ядро-физикалық объекті болды. ДЦ-60 үдеткішінің техникалық параметрлерін және орналастыру орнын таңдау ғылыми және практикалық қолданыстың өзектілігімен және перспективаларымен негізделеді, және ғылыми, технологиялық, инженерлік жұмыстарды жүргізумен тығыз байланысты оқу үдерісін ұйымдастыру үшін қолайлы жағдайларды қамтамасыз ету қажеттілігімен негізделеді. ДЦ-60 үдеткіші – радиациялық қатерінің деңгейі төмен заманауи экологиялық таза қондырғы.

Нобель сыйлығының физика бойынша лауреаты Ж. Алферовтың ЯФИ филиалына іссапары

Л.Н. Гумилев атындағы ЕҰУ мен ЯФИ Астана филиалының өзара іс-қимылы – ынтымақтастықтың тамаша мысалы, оның шеңберінде оқу университеті мен ғылыми-зерттеу институтының оқытушылық және ғылыми тәжірибесі, техникалық базасы ортақ мақсатқа жету үшін біріктірілген. ЕҰУ студенттері, магистранттары, докторанттары мен оқытушылары Институт өткізетін ғылыми зерттеулерге, әртүрлі ғылыми-техникалық семинарлар мен конференциялардың жұмысына қатысады. Бірлескен жұмыстың арқасында ядрошы-ғалымдардың орнына жас ізбасарлар тәрбиеленуде және жоғары білікті ғылыми-педагогикалық кадрлар даярлануда. Үдеткіш кешеннің базасында кадрларды даярлаудың жоғары сапасын қамтамасыз ету үшін 2008 жылдың шілде айында Л.Н. Гумилев атындағы ЕҰУ, ЯФИ және Біріккен ядролық зерттеулер институтының (БЯЗИ, Дубна қ.) қатысуымен «Ядролық физика, жаңа материалдар мен технологиялар» халықаралық кафедрасы құрылды.

«Ядролық физика, жаңа материалдар мен технологиялар» халықаралық кафедрасының ашылуы

Осы кафедрада мамандарды даярлау Л.Н. Гумилев атындағы ЕҰУ бакалавриат пен магистратура студенттерінің, PhD докторанттарының ДЦ-60 үдеткішінде жүргізілетін эксперименттерді жоспарлау және даярлау сәтінен бастап, дайын ғылыми және технологиялық өнімді шығаруға дейінгі ғылыми-технологиялық зерттеулерге тікелей қатысуы арқылы жүзеге асырылады. Студенттерді, бакалаврлар мен магистранттарды оқыту, сондай-ақ PhD докторанттарын даярлау ғылыми ұйымдардың тақырыптарымен және бағыттарымен тығыз байланыста келісілген және бекітілген оқу бағдарламасы бойынша ЯФИ мен БЯЗИ жетекші мамандарының қатысуымен жүргізіледі.

Ядролық физика институты

Қазақстан Республикасы Энергетика министрлігі

Байланыс